KRISI MADARIKATUA. Asturiasen harturiko hogeita lau irudi dira; deskonposizio eta atzerapenean dagoen herrialde baten argazki-mosaikoa. Familiak etxegabetzearen zain eta hauek inposatzeko ateak eraisten dituzten poliziak. Ilarak Cocina-Económicaren aurrean. Txiroak nonahi lo. Hiritar mobilizazioak, ikasleenak, meatzarienak… Begirada pausatuagoa, dokumentatzen dituzten egoeren dramatismoa bueltatuko dion hausnarketa merezi duen errealitate baten bi dozena puska. Horretarako egin zituzten beren autoreek, eta horretarako eman dituzte «La gran estafa»rako, Grupo Eleuterio Quintanillak eta Acción en Red Asturies GKEak antolaturiko erakusketarako, gehienbat Asociación Profesional de Fotoperiodista Asturianos osatzen duten autoreen uneko argazkiez abiatuta osaturikorako. Izenburutik jada, erakusketak oinarritzat du «argazkilaritzak ez duela gertatzen dena azaltzeko gaitasuna galdu», eta «egia froga» dela «zer gertatzen ari zaigun irudiztatzeko»: «krisia, krisi madarikatua, aurreko belaunaldien ahaleginek eragindako garaipen sozialak irensten dituena, eta iraganeko esplotazio-gizartera eta eskub derik gabekoraitzultzen gaituena».

Galderen argitaletxea Grupo Eleuterio Quintanillarekin elkarlanean aritu daargazkiak daramatzan kutxa plazaratzeko, baita asturiar institutu guztietara helarazi den gida bat ere, zeinetan erakusketaren inguruko jarduera multzoa proposatzen den: edukiei buruzko iruzkin dialogatua; argazki bakoitzak zer kontatzen duen argitzeko analisi-jarraibidea; baita curriculumeko arlo ezberdinetan (Gizarte Zientziak eta Historia, Literatura, Musika, Filosofia…) erakusketako aukera didaktikoei zukua ateratzeko proposamen bat ere.

Sabiñe Zurutuza