Galde 32 udaberria/2021. Melissa Ianniello.-
Melissa Ianniello argazkilariaren epe luzeko proiektuak Italian homosexualitatearen eta zahartzaroarengaineko tabuak aztertzen ditu. Lagunarteko bere erretratuetako pertsonak 60 eta 90 urte arteko gay eta lesbianak dira, euren etxean irudikatuak, bikotean edo bakarrik.
Victor Palchetti-Beard eta Gianni Manetti: Florentzia, Toscana. Duela 43 urte dira bikote. Palchetti-Beard 1975ean heldu zen Italiara, bere unibertsitate urteetan. Iristean, Manetti ezagutu zuen bien lagun batzuen bitartez eta bikote egin ziren, baina atzerritarra izanda ezin izan zen Italian luze geratu. Orduan, Manettiren amak Palchetti-Beard adoptatzea erabaki zuen eta horrela semeari familia bat osatzen lagundu. Hala ere, familia hau ezin da ezkontza zibilaren bidez ofizialdu legearen ikuspuntutik biak anaiak direlako.
Vittorino Panzani eta William Belli. 47 urte daramatzate elkarrekin. Oso gazte zirelarik ekin zioten LGTB mugimenduan aktiboki parte hartzeari. Trenton bizi dira, han egiten dute lan antigoalekoen saltzaileduela 20 urte baino gehiagotik, eta zibilki ezkonduta daude.
Monica Maestri eta Ornella Brugnara. Trento. 1988tik dira bikote. Lagunen bidez ezagutu zuten elkar, nahiz eta hasieran Maestri Bolonian bizi eta Brugnara Trenton. Sekula ez ziren euren arteko harremana ezkutatzen saiatu. Mendia dute gustuko eta oporretan.
Stella Marchi eta Paola Fognani: Erroma, Lazio. Marchi eta Fognani 1984tik dira bikote. Erronka ugari gainditu dituzte elkarrekin, adibidez, Marchiren tumorea. Zibilki ezkondu ziren eta Erromako etxean bizi dira euren katuekin. Biak dira LGTBko ekintzaile eta mendiak maite dituzten bidaiari porrokatuak.
